Biblioteca

O noso centro conta con dous espazos adicados a actividades relacionadas coa lectura:

• Biblioteca do centro, na que se ubican os fondos das familias profesionais :
• Hostalaría e turismo
• Industrias alimentarias
• Artes gráficas
• Igualdade
• Fondos varios
• Biblioteca do Departamento de Servizos Socioculturais e á Comunidade, ubicada no edificio anexo e que conta con unha dotación de fondos específicos da Familia Profesional ademais de Igualdade

Blog : Cifpcompostelablog

Biblioteca do CIFP Compostela en Pinterest

ACTIVIDADES DA BIBLIOTECA CIFP COMPOSTELA_ Curso 2025-26

Dende a biblioteca coordínase o obradoiro: Como defendo o meu proxecto final de ciclo?

Apúntate, as prazas son limitadas.

Inscricións: biblioteca.cifp.compostela@edu.xunta.gal

A biblioteca coordina o Obradoiro sobre Iniciación segura á pegada dixital en redes sociais.

Alumnado e profesorado da FP Básica, asistiron ao obradoiro “Iniciación segura á pegada dixital e ás redes sociais”, onde traballaron sobre uso responsable das TIC, reforzando a competencia en redes sociais, facendo fincapé na identidade dixital e na privacidade.

O obradoiro estivo impartido por Claudia Arias, formadora da AMTEGA, coordinado pola biblioteca escolar dentro do marco de accións do Plan Dixital do CIFP Compostela.

Actividades de animación á lectura. Xaneiro chegou cargado de actividades arredor da lectura na nosa cidade.

Profesorado do equipo da biblioteca participou na sesión formativa para docentes da campaña de animación á lectura Ler para crecer na sede de Afundación e representación do equipo directivo e da biblioteca asistiron ao acto de entrega dunha selección de libros editados polo Consorcio de Santiago para achegar ao alumnado o patrimonio cultural, histórico e literario da cidade,no Auditorio de Galicia.
Moitas grazas por contar co noso centro!

IX Semana das Letras Vivas

Loli Beloso levounos da man pola vida e legado de Isaac Díaz Pardo, unha figura imprescindible da cultura e da arte galega. Un encontro para por en valor a creación, a memoria colectiva e a identidade que nos define como pobo.

Non deixedes de visitar a exposición arredor da figura de Díaz Pardo e asúa traxectoria artística.

Máis información no blog da biblioteca: https://cifpcompostelabiblio.blogspot.com/2026/01/as-vidas-de-isaac-diaz-pardo.html

III Concurso de microrrelatos sobre conflitos bélicos

Un ano máis o EDLG e a biblioteca do CIFP Compostela, convídavos a participar no concurso de microrrelatos para reflexionarmos sobre os conflitos bélicos no mes do Día da Paz Mundial.

Consultade as bases no blog da biblioteca:
https://cifpcompostelabiblio.blogspot.com/2026/01/iii-concurso-microrrelatos-sobre-os.html

XIX Encontro galego de Postcrossing

O pasado 8 de xaneiro, a biblioteca do CIFP Compostela acolleu o XIX Encontro Galego de Postcrossing, organizado en colaboración con Diana Pastoriza e coa Fundación ONCE arredor das temática do Braille

Podedes consultar toda a información sobre o evento no blog da biblioteca: https://cifpcompostelabiblio.blogspot.com/2026/01/a-lecto-escritura-no-xix-encontro.html

III Castañazo contra as violencias machistas

Desde o Equipo de Dinamización da Lingua Galega, a Comisión de Igualdade do CIFP Compostela e a Coordinación de Biblioteca impulsamos unha nova edición III Castañazo contra as violencias machistas

Encontro con Arianna Squilloni e Raquel Catalina

O alumnado de 1º e 2º do ciclo superior de Educación Infantil, 1º e 2º de FP Básica e ciclo medio de Artes Gráficas, asistiron ó encontro coas autoras gañadoras do XVIII premio Compostela de álbum ilustrado.

A obra gañadora foi Grande e pequena de Arianna Squilloni con ilustracións de Raquel Catalina.
Queremos agradecer ó Concello de Compostela é á editorial Kalandraka por contar con nós un ano máis.

Obradoiro de baile tradicional con músicas de onte e hoxe que desenvolveu Mondra

O martes 21 o alumnado e profesorado dos Ciclos formativos dos Graos Básicos en Artes Gráficas, Cociña e restauración, Aloxamento e lavandaría, do Grao Medio en Impresión Gráfica e dos Graos Superiores en Educación infantil e Integración social participaron no “Obradoiro de baile tradicional con músicas de onte e hoxe” que desenvolveu Mondra no @cifp.compostela

Esta actividade, organizada polo @edlg_cifpcompostela e @caldodegloria a través da Biblioteca Escolar Solidaria, pretende estimular entre o alumnado a vivencia da música e o baile tradicional galego.

Para quen quedase con ganas de máis, lembrarvos que proximamente empezarán os ensaios do grupo de música tradicional do CIFP Compostela. O “Abadiño Son” xúntase unha vez ao mes no salón de actos para ensaiar. Estade atentas e atentos a partir de novembro!

ACTIVIDADES DA BIBIOTECA CIFP COMPOSTELA_ Curso 2024-25

"As cruces de pedra da Bretaña" de Castelao

Continuamos a celebrar o Ano Castelao.
Os equipos de biblioteca e dinamización da lingua galega, convidan a toda a comunidade escolar a visitar a exposición A Bretaña que hai en NÓS. "As cruces de pedra da Bretaña" de Castelao, na entrada principal do CIFP Compostela.

Tedes á vosa disposición folletos informativos no CIFP e podedes consultar exposicíón a continuación:

Ciberseguridade e pegada dixital

Alumnado da FP Básica do noso centro asistou hoxe á formación Iniciación segura á pegada dixital e ás redes sociais impartida por David Bascoy, experto en ciberseguridade e protección de datos personais organizado pola AMTEGA, Axencia para a modernización tecnolóxica de Galicia.
Esta actividade está coordinada pola biblioteca do CIFP Compostela en relación coa Alfabetización Mediática e Informacional e enmarcada no Plan Dixital do centro.

No mes de marzo, colaboramos dende a Biblioteca na descarga de intervencións artísticas da VIII Festa das Letras Vivas.

Nuria Vil presentou Delicuente

Fixémolo coa proxección do vídeo-poema "Delincuente" de Nuria Vil seguida dun interesantísimo coloquio coa escritora.

Ademais asinou exemplares do seu poemario "Simún" que xa tedes á vosa disposición na biblioteca do centro e agasallounos cunha foto para o noso particular álbum do mural das nosas familias profesionais "En galego tratámonos ben" da artista Ana Santiso.

Grazas mil Nuria Vil!

Un curso máis seguimos co noso programa de Voluntariado, asómate a Biblioteca e anímate a participar!

No mes de marzo visita a selección de libros, empaquetados con agarimo polo equipo de Biblioteca

Durante o mes de marzo atoparás na biblioteca e na entrada principal durante os recreos, unha selección de libros, empaquetados con agarimo polo equipo de biblioteca.
Le a reseña na tapa do libro.
Rexistra o libro na biblioteca.
Goza da lectura!

Africa no Cifp Compostela.

Samuel Mountoumnjou, profesor de linguas e narrador oral, contounos historias de África en francés, nunha actividade participativa, divertida e moi interesante organizada polo departamento de idiomas e a biblioteca coa colaboración do noso club de lectura Caldo de Gloria.

ACTIVIDADES DA BIBIOTECA CIFP COMPOSTELA_ Curso 2023-24

Lembra que neste curso 2023-24 continuamos co noso programa de Voluntariado de biblioteca, anímate a participar!

XIV Encontro Galego de Postcrossing na biblioteca.

Toda a información sobre o evento no blog da biblioteca: https://cifpcompostelabiblio.blogspot.com/2024/05/escribir-biblioteca-escolar.html

Encontro con Lola Varela

Camiñando cara ó 8 de marzo. Encontro coa escritora Lola Varela para comentar o seu libro Feminismo de proximidade

Celebramos o Día de Rosalía con Paula Carballeira, escritora, contacontos e actriz e gañadora do premio nacional de teatro.
As actividades están organizadas polo EDLG e a Biblioteca con especial colaboración dos departamentos de hostalería e turismo e servizos á comunidade.

Uxía Barbeito gaña o concurso de Microrrelatos sobre os conflitos bélicos

A alumna de 2º curso de Integración Social, Uxía Barbeito Morono, é a gañadora do concurso de microrrelatos sobre conflitos bélicos.

O seu microrrelato, "Tres da mañá" acadou a máxima puntuación.

Podedes consultar aquí todos os microrrelatos participantes

Desde o EDLG e a Biblioteca do CIFP Compostela enviamos o noso agradecemento a todo o alumnado participante.

Boni Ofogo. Da oralidade á escrita.

Temos de novo a Boniface Ofogo na biblioteca do CIFP Compostela, un dos narradores preferidos do alumnado de Educación Infantil do noso centro.

Desta volta, Boni impartirá a charla Da oralidade á escrita: A importancia do álbum ilustrado.

Esperámosvos o vindeiro 7 de febreiro ás 10:00 horas na biblioteca.

Poesía para Palestina con Sara Ashour

Poesía para Palestina con Sara Ashour

A biblioteca convidou à Fundaciòn Araguaney para a celebración das xornadas polo día da paz.

Proxectouse a curta Gaza, de Carles Bover Martínez e Julio Pérez del Campo nominada òs premios Goya 2024.
Sara Ashour falou da situación actual na franxa de Gaza e en Cisxordania despois de introducir o contexto històrico. Grazas pola túa xenerosa intervención.

Rematamos con lectura de poemas multilingüe en àrabe, francés, galego e inglés por parte do alumnado dos clubs de lectura.

Máis información no blog da biblioteca.

Xornadas pola Paz no CIFP Compostela_ Luns 29 de xaneiro de 2024

Lectura multilingüe de poemas na biblioteca con Sara Ashour e charla do MPDL (Movemento pola Paz) no salón de actos

Concurso de Microrelatos sobre os conflictos bélicos

BASES

Microrrelato individual orixinal e inédito cunha extensión máxima de 100 palabras sobre a temática “OS CONFLICTOS BÉLICOS”, que denuncien, describan ou fagan reflexionar sobre esta cuestión.

O título e o nome e curso do alumnado non contará nesas 100 palabras.

Valorarase a orixinalidade, o contido e a calidade lingüística.

Participantes: Alumnado do CIFP Compostela

Lingua: Galega

Data límite de entrega: 31 de Xaneiro do 2024.

Presentación: Publicar como comentario á entrada do blog cifpcompostelabiblio.blogspot.com indicando nome, curso e ciclo que estades a cursar no CIFP Compostela.

Xurado:

O xurado estará composto por profesorado do Equipo de Dinamización da Biblioteca e do Equipo de Dinamización da Lingua Galega.

Premio: Vale de 50 euros para gastar nunha librería do comercio local

Encontro XVI Premio Internacional Compostela para Álbums Ilustrados

Alumnado do ciclo superior de educación infantil e da FP básica de artes gráficas tiveron a sorte de poder compartir impresións coas gañadoras do XVI Premio Internacional Compostela para Álbums Ilustrados.

Máis información no blog da biblioteca

Curso 2022-23

Antártida, poemario de Iris Carro, chegou á nosa biblioteca

Antártida, poemario de Iris Carro, alumna de segundo curso do ciclo de Integración Social xa chegou á nosa biblioteca con dedicatoria especial para o Club de lectura e profesorado do CIFP Compostela.
Esta é a súa primeira publicación logo de acadar diferentes premios en concursos literarios. Parabéns!

A Biblioteca presenta as novidadesde novela gráfica

Que é a novela gráfica?

Aínda non existe unha definición nítida sobre que é unha novela gráfica. Podemos considerar que as obras que fusionan debuxo e narrativa e que tratan temas profundos, mesmo controvertidos, e historias extensas, estarían dentro dese xénero.

Temos moitas novidades. Achégate, de seguro que xuntos atopamos unha que che fará disfrutar!

O equipo da biblioteca do centro, manifesta que:

" Cremos no poder das palabras, na imaxinación, na forza multiplicadora que teñen as historias e no potencial de liberdade que se xera nunha sociedade capaz de ler entre liñas, decodificar discursos e multiplicar as capas de sentido para afastarse dunha mensaxe única."

Para darlle forma a esta crenza, iniciamos, un Ciclo de Lecturas breves, compartidas na biblioteca. Ímolo chamar: Un descanso para lelo xuntos.

Está aberta a toda a comunidade educativa, só temos que dispoñer de ganas e 20 minutos, para ler e conversar ou solo escoitar.