Dinamización Lingua Galega
Informar que o pasado 21 de xuño por mor da participación do noso centro xunto, cos centros colaboradores da Mostra do Entroido, fomos premiados co Premio Proxecto Didáctico Antonio Fraguas, concedido bianualmente pola Fundación Antonio Fraguas e o Museo do Pobo Galego coa cuantía de 7.000€.
A este premio decidimos concorrer polas dúas modalidades posibles, educación primaria e educación secundaria, dado que as bases da convocatoria non permitían facelo de maneira conxunta. Con todo, o proxecto presentado en cada unha das dúas modalidades recollía esta experiencia intercentros e interniveis que acabou sendo interesante para o xurado, recoñecendo finalmente o da modalidade de educación primaria pero da que nos sentimos colectivamente orgullosos/as.
Déixovos tanto a ligazón da noticia da Fundación como o proxecto presentado na modalidade de secundaria e que foi case o mesmo que o de educación primaria.
En todo caso é un recoñecemento a todo un colectivo de persoas, especialmente ás que o ergueron e mantiveron tantos anos e que foi capaz de implicar a moitos de nós así como aos centros participantes. O curso que vén será o momento de perfilar e desenvolver aquelas ideas que ano a ano consolidan esta actividade, xa que o premio así vai condicionado.
VII Semana das Letras Vivas
Celebramos o Día de Rosalía con Paula Carballeira, escritora, contacontos e actriz e gañadora do premio nacional de teatro.
As actividades están organizadas polo EDLG e a Biblioteca con especial colaboración dos departamentos de hostalería e turismo e servizos á comunidade.
Uxía Barbeito gaña o concurso de Microrrelatos sobre os conflitos bélicos
A alumna de 2º curso de Integración Social, Uxía Barbeito Morono, é a gañadora do concurso de microrrelatos sobre conflitos bélicos.
O seu microrrelato, "Tres da mañá" acadou a máxima puntuación.
Podedes consultar aquí todos os microrrelatos participantes
Desde o EDLG e a Biblioteca do CIFP Compostela enviamos o noso agradecemento a todo o alumnado participante.
VII FESTAS DAS LETRAS VIVAS. Contamos coa banda compostelana de rock ULEX!!
Desde o Equipo de Dinamización da Lingua Galega do CIFP Compostela, querémosvos convidar a primeira das actuacións que se desenvolverán no marco da FESTA DAS LETRAS VIVAS, o vindeiro mércores 7 de febreiro, de 11:30 a 12:30 no salón de actos do CIFP Compostela contaremos coa banda compostelana de rock ULEX, unha nova formación, pola súa recente creación e pola idade dos seus membros unha proposta fresca e desenfadada.
Concurso de Microrelatos sobre os conflictos bélicos
BASES
Microrrelato individual orixinal e inédito cunha extensión máxima de 100 palabras sobre a temática “OS CONFLICTOS BÉLICOS”, que denuncien, describan ou fagan reflexionar sobre esta cuestión.
O título e o nome e curso do alumnado non contará nesas 100 palabras.
Valorarase a orixinalidade, o contido e a calidade lingüística.
Participantes: Alumnado do CIFP Compostela
Lingua: Galega
Data límite de entrega: 31 de Xaneiro do 2024.
Presentación: Publicar como comentario á entrada do blog cifpcompostelabiblio.blogspot.com indicando nome, curso e ciclo que estades a cursar no CIFP Compostela.
Xurado:
O xurado estará composto por profesorado do Equipo de Dinamización da Biblioteca e do Equipo de Dinamización da Lingua Galega.
Premio: Vale de 50 euros para gastar nunha librería do comercio local
X Mostra do Entroido_Entroido de Entrimo
O Equipo de Dinamización da Lingua Galega celebrou a X da Mostra do Entroido o venres 10 de febreiro, achegamos QR (nos que tamén podes ticar) para acceder ao enlace das actividades deste ano, grazas!
O EDLG e o club de lectura Caldo de Groria argallaron unha programación de luxo para celebrar o Día de Rosalía de Castro:
Preparade os vosos poemas! Realizaremos unha lectura pública da obra de Rosalía de Castro en versión multilingüe na entrada principal. Non faltará a desgustación do caldo de groria preparado polo alumnado do profesor Rafael Brantuas.
O día de Rosalía 2023 en imaxes
O 23 de febreiro vivimos unha intensa xornada no CIFP Compostela para conmemorar o nacemento da autora Rosalía de Castro organizada polo club de lectura Caldo de Groria e o EDLG.
Queremos agradecer a participación activa por parte do alumnado e profesorado do centro e especialmente ás nosas convidadas de honra, Uxía Senlle e Ana Romaní.
Na quenda de mañá Uxía, acompañada polos múscos Sergio Tannus e Santi Cribeiro presentou o especáculo Uxía canta a Rosalía.
Na quenda de tarde a escritora´, comunicadora e académica Ana Romaní presentou A desvértebra acompañada polo músico Chus Silva.
Non faltou o caldo de groria e a lectura pública de poemas.
X Mostra do Entroido_Entroido de Entrimo
O Equipo de Dinamización da Lingua Galega celebra a X da Mostra do Entroido o venres 10 de febreiro.
Poderedes visionar a actividade no seguinte enlace: https://www.youtube.com/watch?v=OX0orR8nyS8
Grazas a todas/os!!
Materiais da X Mostra do Entroido que se dedicará ao Entroido de Entrimo
Madamas e Madamitos do Entrimo
Materiais Organización do Entroido do Entrimo
Fotos representativas
En colaboración co club de lectura do CIFP Compostela Caldo de Gloria, o pasado 17 de xaneiro tivemos a visita de Os Tres Pés no CIFP Compostela. A banda formada por Roberto Sobrado, Xosé Constela e O Leo presentaron o seu proxecto Tres Pés para un Suso con poemas de Alfredo Brañas, Celso Emilio Ferreiro, Bernardino Graña, Manuel María e Darío Xohán Cabana con música de Suso Vaamonde.
Rebola con nós!
O equipo de Dinamización da lingua galega do CIFP Compostela, tentamos normalizar o uso da nosa lingua dentro do centro educativo e entre o alumnado, profesorado e persoal de administración e servizos que facemos parte del.
Cada curso abrimos algún camiño, promovemos algunha experiencia ou mesmo algunha festa na que a nosa lingua brilla con luz propia e con ela os e as que dunha ou outra maneira participan.
Queres rebolar con nós? Pois fai clic no código QR, enche os ocos e dálle a enviar.
Gracias de antemán.
A IX Mostra do Entroido dedicouse ao Entroido de Lobios, os Follateir@s
O Equipo de Dinamización da Lingua Galega celebrou a IX edición da Mostra do Entroido (Entroido de Lobios), o 18 de febreiro
Podedes visionar a actividade no seguinte enlace: https://www.youtube.com/watch?v=967mIZCcFyo
Grazas a todas/os!!
Entroidos de Lamas de Abade:
Agradecendo o esforzo de todos e todas na organización desta VIII Mostra do Entroido (Entroido de Arcos), achegamos ligazóns das actividades deste ano, grazas!:
Actividades da VIII Mostra do Entroido - Lamas de Abade:
Vídeo completo e por capítulos. Está dispoñíbel desde o 11/02/21:
Para repasar a traxectoria da Mostra do Entroido axuntamos o enlace no que podedes visionar os materiais realizados nos Entroidos de Lamas de Abade dende o 2014:
https://entroidoslamas.spread.name/
