Igualdade
Benvidas e benvidos ao espazo de Igualdade do CIFP Compostela.
Consulta as nosas actividades na rede (ata o curso 2020-2021)!!!:
- Blogue Morgana. Grupo de Igualdade do CIFP Compostela
- Canal de Youtube do Grupo Morgana Igualdade Compostela
Consulta o noso Plan de Igualdade, do que se fixeron adaptacións nos últimos cursos. Plan que forma parte da guía de Prácticas para a igualdade de xénero na FP da Consellería. En canto a adaptación e accións para o curso 2024-25 podedes consultalo en: Accións igualdade 24_25
Actividades curso 204-25
O xoves 27 de febreiro presentamos no centro unha exposición cedida polo IES Virxe do Mar de Noia. Son 18 obras plásticas baseadas na artista Christine Kim realizadas polo estudantado de 4º de ESO e asociadas cada unha delas a unha poesía dunha autora ou autor galego.
Convidamos a toda a comunidade educativa a achegarse e disfrutar das mesmas. Estará no hall do edificio ata mediados de marzo.
Grazas ao IES Virxe do Mar por compartir esta fermosa produción pictográfica e poética.
Dende a Comisión de Igualdade arrancamos trimestre e ano falando de violencia de xénero e sexismo en dous espazos moi relevantes para todas nos; as redes, os espazos audiovisuais e a publicidade. Esta charla foi impartida por Ana Otero Junquera, e enmárcase dentro do programa educativo "Por 365 días de respecto e Igualdade" (Plan Proxecta+)
Esta semana disfrutamos das historias de mulleres, galegas e uruguaias, valentes e rompedoras, que marcaron a vida de Sole Felloza. Actriz, fotógrafa, investigadora, narradora e apoixoada da cultura oral galega. Foi todo un pracer contar coa súa presenza no noso centro.
De novo, dende a Comisión de Igualdade, agradecemos a vosa participación
A semana pasada Atenea García trouxonos ao Compostela o seu espectáculo "Vicio houbo sempre" con historias de vida recollidas a mulleres de mais de 80 anos que falan do desexo, do pracer e a sexualidade.
Historias e cancións acompañadas coa súa pandeireta nunha contada moi entretida
Dende a Comisión de Igualdade do centro dámosvos as grazas por participar.
Actividades curso 2022-23
As nosas actividades tamén en:
Encontro con Luca Chao. Feminismo e cen palabras (actividade co Club de lectura Caldo de groria)
O pasado martes, 18 de abrila a politóloga e escritora Luca Chao visitou o noso centro para presentar o libro, Feminismo en cen palabras, falar polo miúdo e debater co alumnado termos e conceptos tanto básicos como máis complexos sobre o feminismo e a igualdade.
A través da presentación deste diccionario quedounos moi clara a importancia que ten o coñecemento e bo uso da linguaxe para pensar e reintepretar o mundo.
Moitas grazas pola túa xenerosidade, Luca. Agardamos pola túa seguinte publicación!
O dia 08/11/2022, a FAXPG (Federación de Asociacións de Persoas Xordas de Galicia) deu unha charla ao alumnado dos ciclos de Educación infantil, Integración social e Atención a Persoas en situación de dependencia, en relación ás boas prácticas de atención a mulleres xordas vítimas de violencia de xénero ou en risco de sufrilo.
Actividade enmarcada nas actuacións que se levarán a cabo no CIFP Compostela polo 25N.
Actividade equipo de igualdade:
O martes, 22 de novembro, e dentro das actuacións enmarcadas na conmemoración do 25N, terá lugar no salón de actos a actuación da contacontos María da Pontragha, de 11 a 12 horas.
A reserva de prazas realizarase a través dos correos enviados polo profesorado á seguinte dirección: igualdade.cifp.compostela@edu.xunta.gal
Actividade Equipo de Igualdade:
O día 09/02/2023, Luzía Oca veu presentar ao alumnado do ciclo de Integración Social o documental Si ka badu, ka ta biradu, que mostra o desigual reparto nas tarefas dos coidados en mulleres caboverdianas residentes en Burela.
Actividade Equipo de Igualdade:
O martes 7 de marzo, e dentro das actuacións enmarcadas na conmemoración do 8M, terá lugar no salón de actos a actuación da contacontos Vero Rilo, ás 12:30 horas e ás 17 horas.
Actividade Equipo de Igualdade e Olga Amigo:
O Comando Igualdade, integrado por alumnado, profesorado e exalumnado do IES Alexandre Bóveda de Vigo, mantivo unha charla co alumnado dos segundos cursos de FP Básica, en relación a diferentes temas de interese arredor da igualdade real entre homes e mulleres.
