Plan Conecta FP Galicia. Encontro do sector do Turismo e Hostalaría - Industrias Alimentarias no CIFP Compostela
O 27 de maio celebrouse no noso CIFP o encontro sectorial do Plan Conecta FP Galicia correspondente ao sector do turismo e hostalaría - industrias alimentarias, no que participaron representantes do tecido produtivo e dos centros educativos con oferta de formación profesional da zona.
Tratáronse as posibilidades de colaboración entre a FP e as empresas da contorna, a formación profesional como vía de capacitación, as necesidades do sector produtivo e a importancia da acreditación de competencias e da formación dos traballadores para o futuro do mercado laboral.
