arriba
Domingo, 25-Febreiro-2024

 

 
PortadaseparatorNoticias-NovedadesseparatorNoticias-Novedades


acreditacionsbibliotecacelebracionsclub-de-lecturacorrespondentesedlgerasmusigualdadematriculaplurilingueprobas-libres
Luns, 20-Marzo-2023

Probas de acceso a Ciclos Superiores. Convocatoria 2023

Tal e como aparece publicada na páxina web da Consellería de Educación, Formación Profesional e Universidades, a información xeral das probas de acceso a ciclos superiores na Convocatoria de 2023, organízanse:

Introdución

- Orde do 5 de decembro de 2022 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2023 (códigos de procedemento ED312C e ED312D)


Información xeral e calendario

Nas seguintes ligazóns poderase consultar a información xeral e o calendario das probas de acceso a ciclos formativos de grao superior de formación profesional.

Composición dos tribunais

Acceda ao documento (Pendente de publicación)

Solicitude de inscrición telemática

Na seguinte ligazón pódese acceder á aplicación informática na que se dispón dun asistente para cubrir a solicitude de inscrición a ciclos formativos de grao superior. O sistema xera unha instancia para imprimir que terá que ser entregada nun centro de inscrición, acompañada da documentación que se indica na propia instancia. O centro procederá a validación dunha copia e entregará outra para a persoa solicitante a efectos de resgardo. En tanto que non se efectúe este trámite non quedará feita a matrícula.

- Guía de uso do asistente informático para elaborar a solicitude

- Ligazón á aplicación informática

- Modelo de certificacións de actividades realizadas na empresa (Anexo X)

Listaxes da convocatoria 2023 

Na seguinte ligazón poderá consultar as listaxes provisionais e definitivas de admisión, exencións, cualificacións, sedes e lugares de realización das probas de acceso para a convocatoria 2023.

As listaxes iránse actualizando segundo as datas establecidas na Orde pola que se convocan de modo ordinario probas de acceso a ciclos formativos de grao medio e de grao superior de formación profesional en centros docentes sostidos con fondos públicos, para o ano 2023.

Acceso ás listaxes de solicitudes de inscrición e de exencións.

Listaxe provisoria

Período de reclamación: do 13 ao 17 de febreiro, ambos os dous incluídos, no centro onde se presentou a solicitude de inscrición.
As listaxes garanten a confidencialidade dos datos persoais por iso cada persoa está identificada cun código persoal de consulta (CPC). O CPC é un código alfanumérico único para cada persoa que participa nas probas de acceso a grao superior.
- Instrucións para obter o código persoal de consulta
- Listaxe definitiva

Acceso aos lugares e sedes de realización das probas.

Ver lugares e sedes 
 Instrucións para a realización das probas

Acceso aos exames e respostas da convocatoria do 2023

Parte común (Pendente de publicación)
Parte específica (Pendente de publicación)

Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (Acceso á normativa de probas)

Información e actualización en: https://www.edu.xunta.gal/fp/acceso-grao-superior-convocatoria-actual

Fonte: https://www.edu.xunta.gal/fp/acceso-grao-superior-convocatoria-actual (Consulta 20/03/2023)



Mais noticias...

XUNTA DE GALICIA, CONSELLERÍA DE EDUCACIÓN, UNIVERSIDADE E FORMACIÓN PROFESIONAL

Ministerio Educación e Formación Profesional

Certificación do sistema de xestión de calidade. Actuación cofinanciada pola Unión Europea.